ABŞ Prezident Administrasiyası Rusiya Prezidenti Vladimir Putin və yaxın ətrafına sanksiya tətbiq etməkdən qaçır.

Axar.az xəbər verir ki, bu məlumatı “Politiko” öz mənbələrinə istinadən yayıb. Məlumata görə, Baydenin müşavirləri Rusiya hökumətinə sanksiyaların tətbiqinin lazım olan nəticələrə gətirib çıxarmayacağını düşünürlər. Onların fikrincə, oliqarxlara qarşı sanksiyalar onların dövlətdən asılılığını yalnız gücləndirəcək:

“ABŞ ehtiyat edir ki, həddən artıq sərt tədbirlər Rusiyada böhrana gətirib çıxara bilər. Soyuq müharibədən sonrakı xaosu xatırlayan amerikalı vəzifəlilər hadisələrin belə inkişaf edəcəyi halda Rusiyanın nüvə silahlarının etibarsız əllərə keçəcəyindən narahatdır”.