Qərblə hərbi və siyasi əlaqələrinin olmasına baxmayaraq, Afina Moskvanın təsir dairəsinə düşə bilər.

Axar.az xəbər verir ki, bu iddianı ABŞ-ın "Deyli Best" (The Daily Best) qəzetinin analitikləri irəli sürüb. Qəzetin iddiasına görə, Yunanıstan üçün NATO-ya üzvlük sadəcə kağız üzərindədir:

"NATO-da çoxları qorxur ki, Yunanıstan Rusiyaya kəşfiyyat informasiyaları ötürür. Bir müddət öncə Brüsseldə rus agentləri deşifrə edildi. Ona görə də Moskvanın bu uğursuzluğu Yunanıstanla dolduracağı inandırıcıdır. Soyuq müharibə dövründə Kreml aktiv şəkildə Yunanıstandan NATO-ya qarşı kəşfiyyat üçün istifadə edirdi. Bu dövr ərzində Moskvanın agentləri Afinanın siyasi sisteminin dərinliyinə girməyi bacardı. Hakimiyyətə Sriza partiyasının gəlməsindən sonra isə rus agentlərin sayı artmağa başladı".