"İmralı-Qəndil-HDP xəttində yeni proseslər yaşanır. Qəndilin hər fürsətdə dilə gətirdiyi "Öcalan məhkumdur, sağlam qərar verə bilməz" fikri onun çıxdaş edilməsinə hesablanıb. Kəşfiyyat hesabatlarında əks olunan məlumata görə, HDP sədrinin PKK-dakı böyük qardaşı, kod adı "Şiyar" olan Nurəddin Dəmirdaş yaratdığı yeni qruplaşma ilə Öcalanın təşkilatdakı nüfuzunu heçə endirmək üçün lobbi fəaliyyəti həyata keçirir".

Axar.az xəbər verir ki, bu iddia ilə Türkiyənin nüfuzlu "Star" dərgisi çıxış edib. Qəzetin məlumatına görə, həll müddətində İmralı təlimatlarına əsasən hərəkət edilməsinə qarşı çıxan bu qrup İmralının bundan belə arxa planda qalmasını istəyir:

"Hesabatlara görə, böyük qardaş Dəmirdaş təşkilatın liderlərindən olan Sabri Ok, Cəmil Bayık, Mustafa Karasu və Duran Kalkanı Öcalanın "fəxri prezident" elan edilməsi üçün razı salmağa çalışır. Bu addımla Öcalanın təşkilat üzərindəki təsiri azaldılmış olacaq və İmralıdan gələn təlimatlar da tanınmayacaq. Bunun üçün ciddi faktlar var:

- 7 iyun seçkisindən dərhal sonra silahı yerə qoymaq müzakirələrində Kürdüstan Cəmiyyəti Birliyi (KCK) silahı yerə qoymaq əmrinin İmralıda deyil, yalnız özlərində olduğunu açıqladı.

- 28 fevralda Baş nazirin müavini Yalçın Akdoğan və HDP-nin ortaq konfransında Öcalanın PKK-ya etdiyi tərksilahla bağlı konqres çağırışı tətbiq olunmadı.

- Demokratik Toplum Partiyasından sabiq millət vəkili Aysel Tuğluk da 2013-cü ilin yanvarında "Kürd hərəkatının simaları arasında fikir ayrılığı yoxdur. Öcalan açar rolunu oynayır. Ancaq bu, bütün qərarların Öcalan tərəfindən verilməsi anlamına gəlmir", - deyərək, ortada olan reallığı bir daha göstərdi".