Cüzi miqdarda civə belə istinin təsirindən asanlıqla buxarlana, ətrafa zəhər saça bilir.

Bu sözləri Diyanət Türk Vəqfininkimya mütəxəssisi Çinarə Cavadzadətermometrlərin qırılması zamanı ətrafa dağılan civənin fəsadlarından danışarkən Axar.az-a deyib.Çinarə Cavadzadənin sözlərinə görə, civə xüsusən uşaqlar üçün böyük təhlükədir:

"Civə yeganə metaldır ki, maye halındadır. Ona görə də istinin təsirindən asanlıqla buxarlana, ətrafa zəhər saça bilir. Civənin olduqca az miqdarının belə qulağa düşməsi qulaq pərdəsini deşir və insanı kar edir. Bu maddənin azyaşlı uşaqlarda daha ciddi fəsadlar ortaya çıxardığı məlumdur. Civə və onun buxarları ilə zəhərlənməyə məruz qalma əlamətləri müşahidə edildikdə dərhal təhlükəli zonanın tərk edilməsi vacibdir. Bundan sonra əgər civə orqanizmə həzm sistemi ilə daxil olubsa, onda zərərçəkənin mədəsi su ilə qarışdırılmış yumurta ağı ilə yuyulur və süd verilir. Düyü və ya yulaf həliminin verilməsi də tövsiyə olunur. Bundan başqa, həkim gələnə qədərzərərçəkəninburun, göz və ağız boşluğunu 2 faizlik soda məhlulu ilə yumaq və onu tez bir zamanda xəstəxanaya çatdırmaq lazımdır".

Qeyd edək ki, son vaxtlar termometrlərin qırılması ilə bağlı FHN-ə çoxsaylı müraciətlər olur.

Fövqəladə Hallar Nazirliyi sözügedən məsələ ilə bağlı əhalini maarifləndirmək istiqamətində bir neçə məqalə dərc edib. Məqalələrdə belə situasiyalarda insanların necə davranmalı olduğu bildirilir.

Müraciətlərdən birini təqdim edirik:

"Civə dağılması və digər təhlükələr müşahidə edildikdə:

- Fövqəladə Hallar Nazirliyinin "112" zəng xidmətinə məlumat verin!

- Otaqlarda qapı və pəncərələri açın

- Çirklənmiş otağa girişi bağlayın

Uşaqların tərkibində civə olan əşyalarla, xüsusilə civəli termometrlərlə oynaması təhlükəlidir.

Yığılmış civəni qızdırıcı cihazların yanında, hətta qısa müddətdə belə, saxlamaq məsləhət görülmür".