Cənubi Osetiya 2008-ci ilin avqustunda baş verən müharibənin ildönümü səbəbilə Gürcüstanla sərhədi iki günlük bağlayır.

Axar.az xəbər verir ki, bu barədə məlumat Cənubi Osetiya separatçılarının "Dövlət Təhlükəsizlik Komitəsi"nin bəyanatında yayılıb.

Bəyanata görə, Gürcüstan vətəndaşlarının Cənubi Osetiyaya girişi avqustun 9-da bərpa olunacaq.

Qeyd edək ki, 2008-ci ilin avqustunda Rusiya ilə Gürcüstan arasında Cənubi Osetiya uğrunda savaş baş vermişdi. Özünün ərazi bütövlüyünü qorumağa çalışan Tiflisə qarşı Rusiyanın 58-ci ordusu Cənubi Osetiyaya daxil olmuşdu. Bunun ardınca Cənubi Osetiya Gürcüstandan ayrılmış və öz müstəqilliyini elan etmişdi. Rusiya isə onun müstəqilliyini tanıyaraq, qondarma rejimlə müttəfiqliklə bağlı müqavilə imzalamışdı.