Yunanıstan, Kipr və Ermənistan silahlı qüvvələrinin xüsusi təyinatlı bölmələri birgə təlim keçirib.

Axar.az xəbər verir ki, bu barədə yunan mediası məlumat yayıb.

Bildirilib ki, 22-26 noyabr tarixlərində baş tutan təlim Üçtərəfli əməkdaşlıq proqramı çərçivəsində gerçəkləşib.

Təlimdə müxtəlif döyüş atışları, o cümlədən gecə şəraitində, hərəkət edən hədəfə atışlar, şəhər şəraitində hərbi fəaliyyət və s. məşq edilib.

Kipr MN bu cür təlimləri “üç ölkənin silahlı qüvvələri arasında əlaqələrin yüksək olduğunun göstəricisi” adlandırıb.

Qeyd edək ki, KTMT üzvü olan Ermənistanın NATO üzvü Yunanıstanla birgə təlimi diqqət çəkməyə bilməz.