"Mistral" tipli gəmilərin əldə edilməsi Misirin Yəmənə girməsi üçün imkan yaradacaq.

Axar.az xəbər verir ki, bu sözlər ekspert FransusEysbur "Liberation" qəzetindəki yazısında yer alıb. Onun sözlərinə görə, Misir hazırda regional səhnədə özünü təsdiq etmək üçün böyük təşəbbüs göstərir:

"Bu təşəbbüs Liviya və Sinay yarımadasında İŞİD təhdidinin artdığı bir zamana təsadüf edir. Çox güman ki, belə gəmilər alındıqdan sonra Qahirə Qırmızı dənizin cənubundakı əsas açar zona hesab edilən Yəmənə müdaxilə edəcək".

Qeyd edək ki, Misir Fransadan "Mistral" tipli vertolyot daşıyan gəmilər alacaq. Artıq bununla bağlı tərəflər arasında müqavilə imzalanıb.