Çexiya polisinin şübhəli bilinən miqrantları tutub saxlamaq və qaçqınlar düşərgəsinə göndərmək hüququ yoxdur.

Axar.az xəbər verir ki, belə bir qərarı Usti-Labem şəhərinin diyar məhkəməsi qəbul edib. Hakimlər İran vətəndaşının şikayətinə baxıblar. O, iki qızı ilə birlikdə qeyri-leqal şəkildə Çexiya ərazisindən keçərək, Almaniyadakı qohumlarının yanına gedirmiş. Amma Çexiya polisləri tərəfindən həbs edilib və qaçqınlar düşərgəsinə göndərilib.

Macarıstandan gələn iranlını qaçqınlar düşərgəsində həmin ölkəyə deportasiya gözləyirmiş. Amma o, polisdən məhkəməyə şikayət edib və məhkəmədə qalib gəlib. Düşərgədən azad edilən iranlı hazırda Almaniyada yaşayır.