"Düşmən qardaş"lar - Cənubi Koreya ilə Şimali Koreya sərhədində təmizlənmiş ərazidə mina partlayıb.

Axar.az xəbər verir ki, hadisə nəticəsində iki Cənubi Koreya əsgəri ağır yaralanıb.

Cənubi Koreyadakı Birləşmiş Millətlər Komandirliyi (UNC) avqustun 4-də sərhəd bölgəsində baş verən hadisənin məsuliyyətini Şimali Koreyanın daşıdığını bildirib. Daha sonra Cənubi Koreya Baş Qərargah rəhbərliyinin səlahiyyətli nümayəndəsi açıqlama verərək hücumu qınayıb:

"Şimali Koreyaya bunun əvəzini ödətdirəcəyik".

Xatırladaq ki, Cənubi və Şimali Koreya Koreya müharibəsinin 1953-cü ildə atəşkəs elanı ilə başa çatması ilə bir-birindən ayrılıb.

Avqustun 4-də baş verən partlayışdan sonra ərazidə aparılan araşdırmalarda 3 taxta qutu mina tapılıb. Partlayıcıların Şimali Koreya tərəfindən istifadə edilən minalarla eyni olduğu müəyyənləşib. Şimali Koreya əsgərlərinin minaları yerləşdirmək üçün Cənubi Koreya sərhədini 500 metr pozduqları ortaya çıxıb.