Taliban terror hərəkatı "İslam dövləti"nin son edamlarını pisləyib.

Axar.az-ın xəbərinə görə, dünya mediası bu bəyanatı ironiya ilə qarşılayaraq iki terror təşkilatının bir-birini vəhşilikdə ittiham etməsindən yazıb.

İŞİD üzvlərinin əfqan girovları bomba ilə partladıb havaya sovurması və bu görüntüləri sosial şəbəkələrdə yayması talibançıların qəzəbinə tuş gəlib. Talibanın yaydığı bəyanatda "islam"çıların bu cinayəti dəhşətli hadisə kimi qiymətləndirilib:

"Bu, islam adı altında törədilən günahlar və digər qanlı qırğınlar əsla qəbul olunmayacaq".

İŞİD Əfqanıstanda hökuməti devirmək və şəriət dövlətini qurmaq istəyini açıqlayıb. Taliban da mövcud iqtidarı dəyişmək arzusundadır. Hər iki təşkilat bir-birinə qarşı birləşib. Suriyada da Əsədə qarşı döyüşən İŞİD və Nusra qruplaşmaları indi antoqonist mövqelərdən çıxış edirlər.