Vaşinqton Beynəlxalq Respublika İnstitutu Boris Nemtsova ölümündən sonra Amerika Azadlıq Mükafatı verib.

Axar.az Ria Novosti-yə istinadən xəbər verir ki, mükafatı Nemtsovun əvəzinə silahdaşı Xalq Azadlığı Partiyasının sədr müavini, jurnalist Vladimir Alekseyeviç Kara-Murza alıb. Mükafatı İnstitutun Direktorlar Şurasının sədri, senator Con Makkeyn təqdim edib.

Təqdim olunan mükafat Nemtsova "həyatını Rusiyada demokratiyanın inkişafına həsr etdiyi" üçün verilib. Laureatlar arasında ABŞ Konqresinin Nümayəndələr Palatasının spikeri Con Beyner və Sudan mesenatı Mo İbrahim də yer alıb.

Qeyd edək ki, Vaşinqton Beynəlxalq Respublika İnstitutu artıq 20 ildir ki, demokratiyanın və azadlığın inkişafına töhfə vermiş insanlara Amerika Azadlıq Mükafatı təqdim edir.