4-cü dəfə Rusiya prezidentliyinə namizədliyimi vermək hüququmdan istifadə edəcəyimə əmin deyiləm.

Axar.az xəbər verir ki, bunu ABŞ-ın CBS və PBS kanallarına müsahibəsində Rusiya Prezidenti Vladimir Putin deyib. O, namizədliyini verməsinin mövcud situasiyadan asılı olacağını bildirib:

"4-cü dəfə Rusiya prezidentliyinə namizədliyimi vermək hüququmdan istifadə edəcəyimə əmin deyiləm. Namizədliyimi verməyim barədə qərar Rusiyada, dünyada olan situasiyadan və öz əhvalımdan asılı olacaq".

Putin iqtidardan gedəndən sonra Rusiyanı hansı vəziyyətdə görmək istədiyini də bildirib:

"Rusiyada sabit iqtisadiyyat, inkişaf etmiş ictimai-siyasi sistem qurulmalı, daxildə və xaricdə baş verən dəyişikliklərə çevik reaksiya verilməklə ölkənin maraqları qorunmalıdır".