Fransa Prezidenti Fransua Olland Suriyadakı böhranın Bəşər Əsəd hakimiyyətdən gedəndən sonra bitəcəyini söyləyib.

Axar.az xəbər verir ki, Olland BMT Baş Assambleyasının 70-ci sessiyasında keçirilən görüşlər çərçivəsində bu barədə danışıb:

"Əsəd problemin kökü, həll vasitəsi ola bilməz. Suriyadakı qətliamlar sadəcə İŞİD-lə bağlı deyil. Eyni zamanda milyonlarla insan Əsəd rejimindən canını qurtarmaq üçün qonşu ölkələrə, o cümlədən Avropaya pənah gətirir".

Fransua Olland həmçinin Avropanın miqrant siyasətini də kəskin tənqid edib. Qaçqınlarla bağlı Qərbin həyata keçirdiyi proqramların olduqca effektsiz olduğunu dilə gətirib.

Prezident iqlim dəyişikliyi mövzusuna da toxunub.