Suriya Müxalif və İnqilabçı Qüvvələr Milli Koalisiyasının (SMDK) sədri Xalid Xoca BMT-də mətbuat konfransı keçirib.

Axar.az xəbər verir ki, Xalid Xoca Rusiya reaktivlərinin terrorçulara məxsus heç bir hədəfi vurmadığını açıqlayıb. Onun sözlərinə görə, bombardman mülki əhalinin yaşadığı ərazilərdə baş verib, 36 nəfər həlak olub:

"Rusiya Xümsün şimalında 3 bölgəni hədəfə alıb. Beşi uşaq olmaqla 36 nəfər həlak olub. Bölgə bir il əvvəl İŞİD və Əl Nüsradan təmizlənib. Həmin ərazilər hökumət qüvvələrinin nəzarətindədir".

Azad Suriya Ordusunun 70 min canlı qüvvəsi olduğunu deyən koalisiya rəhbəri hava hücumları olmadan da Əsəd rejimini dəyişə biləcəklərini deyib:

"Rusiya işğalına Suriya xalqının azadlıq mübarizəsi ilə cavab veriləcək. Bunu etməyə haqqımız var. Rusiya, İran, İŞİD və Hizbullah da daxil olmaqla bütün xarici birliklərin Suriyadan çəkilməsi üçün beynəlxalq cəmiyyətin yardım etməsini tələb edirik".