ABŞ Müdafiə naziri Eşton Karter Rusiyanın İŞİD-ə qarşı apardığı hərbi əməliyyatlara münasibət bildirib.

Axar.az xəbər verir ki, nazir, Rusiyanın İŞİD-lə mübarizə ilə yanaşı Suriyadakı mövcud siyasi rejimə də dəstək verdiyini söyləyib.

"Rusiyanın müdafiə naziri Sergey Şoyqunun sözlərinə diqqət yetirsək görərik ki, Rusiya burada məntiqi addım atır. Rusiya bir tərəfdən İŞİD-lə mübarizə apardığını deyir, digər tərəfdən Suriyadakı rejimə dəstək olur. Bu yaxınlaşma Suriyada daxili müharibəni daha da alovlandırır. İŞİD-ə qalib gəlmək üçün Suriyadakı siyasi sistem dəyişilməlidir".

Qeyd edək ki, Eşton Karter Rusiyanın Krımı ilhaq etməsinə və Ukraynanın şərqindəki hərbi fəaliyyəti məsələsinə də toxunub. O, qısa zamanda burada hərbi əməliyyatları dayandırmağın vacibliyni vurğulayıb.