Fəsil dəyişkənliyi özü ilə bərabər bir neçə xəstəlikləri də gətirir. Ani hava dəyişkənliyi və temperaturun tez-tez qalxıb-enməsi də qripə yoluxma risqini artırır.

Bəs qripə yoluxmamaq üçün həkimlər nə məsləhət görür?

Axar.az bununla bağlı mütəxəssis fikirlərini təqdim edir.

- Qidanıza diqqət edin. Xüsusilə ev yeməkləri yeməyə çalışın.

- Bacardığınız qədər çox maye için. Gün ərzində 2-2,5 litr su için.

- Gəzintiyə çıxarkən havanın isti olmasına aldanmayın. Hər ehtimala qarşı özünüzlə gödəkçə götürün.

- Antibiotiklərlə və ya digər dərmanlardan istifadə etməyə çalışmayın.

- Dərmanlardansa, təbi qidalara, meyvə və tərəvəzlərə üstünlük verin. Xüsusilə C vitamin ilə zəngin olan portağal, qreyfurt, mandarin, limon və bu kimi meyvələr qəbul edin.

- Çimdikdən sonra və ya saçlarınız islaqkən küçəyə çıxmayın.

- Ən əsasə qripə yoluxmuş adamlarla çox ünsiyyətə girməyin. Bacardığınız qədər tibbi maskalardan istifadə edin.

Əgər artıq gecdirsə və qripə yoluxmusunuzsa, aşağıdakılara diqqət edin:

- Qrip olduqdan sonra ağır idmanlardan uzaq durun.

- Bacardığınız qədər çox dincəlin. Mümkündürsə, yataq rejimində bir gün də olsa istirahət edin.

- Boğazınızda yanma və qıcıqlanma varsa, hər gün bir qaşıq bəhməz (doşab) qəbul edin.

- Havalar hələ bir o qədər soyuq keçməsə də, tez-tez isti sup qəbul edin.

- Yeməkləri nə çox isti, nə də çox soyuq halda qəbul edin. İlıq yeməklərə üstünlük verin.

- Əgər temperaturunuz varsa, çox isti geyimlər geyinməyin. Temperaturunuzu salmaq üçün ilıq duş qəbul edin və evdə nazik geyinin. Bacardığınız qədər yataqdan çıxmayın.