Rusiya yaxın günlərdə özünün Suriyada ilk itkilərini verəcək.

Axar.az xəbər verir ki, bunu Brüsseldə keçirdiyi mətbuat konfransında ABŞ Müdafiə naziri Eşton Karter söyləyib. Onun sözlərinə görə, Rusiya Suriyada siyasi keçid prosesini başlatmaq əvəzinə Əsədə dəstəyini ikiqat artırdı:

"Onlar dedilər ki, İŞİD, Nüsrə və digər ekstremist qruplarla mübarizə aparacaqlar, lakin əsas zərbələrini başqalarına endirdilər. Rusiya əvvəllər tez-tez etdiyi kimi bir şeyi deyib, başqasını etdi. Bu fəaliyyətlər nəticəsində Suriyada vətəndaş müharibəsi daha da qızışacaq. Biz Rusiya ilə özünün yanlış strategiyasından əl çəkənə qədər əməkdaşlıq etməyəcəyik".