Rusiyanın Ukraynaya yeni kütləvi raket hücumuna hazırlıq prosesi məlumat tələb edir. Belə hücumlara hazırlıq bir gündən çox davam edir.

Axar.az xəbər verir ki, bunu Ukrayna Silahlı Qüvvələrinin Hərbi Hava Qüvvələrinin sözçüsü Yuri İqnat deyib.

"Rusiya kütləvi raket zərbələri üçün yüksək texnologiyalı silahlardan istifadə edir. Ölkəmizə həm dənizdən, həm də havadan raketlər atılır", - sözçü bildirib.

İqnatın sözlərinə görə, ruslara növbəti hücuma hazırlaşarkən vurulacaq lazımi obyektlərin yeri haqqında çoxlu məlumat lazımdır:

"Kəşfiyyat məlumatları düşmənə mümkün qədər yaxşı marşrutlar hazırlamağa, zərbələr üçün bir neçə dalğa buraxaraq raketləri proqramlaşdırmağa kömək edir. Biz görürük ki, təyyarələr əvvəlcə bir qrup raket atır, on dəqiqə sonra ikinci qrup raket, sonra üçüncü raketləri buraxırlar. Beləliklə, diqqəti dağıtmağa və hava hücumundan müdafiəmizdən yan keçməyə çalışırlar. Onlar manevr edirlər və əlbəttə ki, öz istiqamətlərini dəyişə bilərlər, çünki operator tərəfindən peyk sistemi vasitəsilə idarə olunur”.