Rusiya Dövlət Dumasının üzvü Dmitri Sablin Dəməşqdə Suriya Prezidenti Bəşər Əsədlə görüşün detalları barədə "İzvestiya" qəzetinə müsahibə verib.

Axar.az xəbər verir ki, Sablin görüş zamanı bir çox məsələlərə, o cümlədən Rusiyanın Suriyada hava əməliyyatlarına toxunduqlarını deyib.

"Əsəd bizimlə görüşdə Rusiya Hərbi Hava Qüvvələrinin əməliyyatları barədə danışdı. O, əməliyyatlar nəticəsində terrorçuların ölkəni tərk etdiyini, evlərindən didərgin düşənlərin isə geri qayıtdığını dedi", - Sablin müsahibə zamanı bildirib.

Qeyd edək ki, Rusiya Dövlət Dumasının bir qrup üzvü ötən həftə Dəməşqdə səfərdə olub.