Şarm əş-Şeyx yarımadasının üzərindən yalnız gündüz vaxtı uçuşlar həyata keçiriləcək.

Axar xəbər verir ki, bunu Türk Hava Yollarının nümayəndəsi Əli Gənc deyib. O bildirib ki, son hadisələrdən dolayı şirkət sözügedən yarımadada yerləşən havalimanlarına mütəxəssislər göndərib:

"Şarm əş-Şeyxə göndərdiyimiz mütəxəssislər oradakı mövcud şəraiti dəyərləndirəcəklər. Daha sonra tərtib edilən qaydalara əsasən İstanbul–Şarm əş-Şeyx marşrutu üzrə yalnız gündüzlər uçuşlar təşkil ediləcək".

Qeyd edək ki, oktyabrın 31-də Şarm əş-Şeyx və Sankt Peterburq reysi ilə uçuş həyata keçirən Rusiyaya məxsus təyyarə qəzaya uğrayıb. Nəticədə göyərtəsində olan 224 nəfər həlak olub.