17:46

Türkiyənin ən sürətli metro xətti olan Kağıtxana-İstanbul Hava Limanı xətti istifadəyə verilib.

Axar.az xəbər verir ki, yeni metro xəttinin açılış mərasimində Prezident Rəcəb Tayyib Ərdoğan da iştirak edib.

Dövlət başçısı Kağıtxanadan metro ilə İstanbul Hava Limanına gedib.

Maşinistin kabinəsində əyləşən dövlət başçısını Türkiyənin nəqliyyat naziri Adil Qaraismayıloğlu və digər rəsmi şəxslər müşayiət edib.

Kağıtxana-İstanbul Hava Limanı metro xəttinin uzunluğu 34 kilometrdir və Kağıtxana, Eyyubsultan və Arnavutköy rayonlarından keçir.

Metro xətti üzərində 9 stansiya var və gündəlik 800 min sərnişin tutumuna malikdir. Qatarlar yeni xətt üzrə 90-120 km/saat sürətlə hərəkət edəcək.