Parisdəki terror aksiyalarından 48 saat əvvəl və eləcə də terakt zamanı Fransa kompüter sistemlərinə kiberhücum edilib.

Axar.az xəbər verir ki, bu barədə amerikalı politoloq Pol Kreyq Roberts təhlükəsizlik xidməti orqanlarındakı mənbəyə istinadən məlumat verib. "Terror zamanı Fransa mobil şəbəkələrinin bazasına hücum olunub və polis nəzarəti "kor" edilib. Bu, adi DDOS hücum deyil, kiberhücum təhlükəsizlik sisteminin zəif nöqtələrinə edilib", - Roberts bildirib.

Politoloqun sözlərinə görə, bu hazırlıq böyük resurslar tələb edir və Paris terrorunu öz üzərinə götürən İŞİD terror qruplaşmasında belə imkanlar yoxdur. Roberts əminliklə bildirib ki, bu səviyyədə hücumu hökumətin xəbəri olmadan etmək mümkün deyil.

"Mən sözügedən məlumatı aça bilmərəm, əgər təhlükəsizlik mütəxəssisləri bu məlumatı əsaslı hesab edirlərsə, onlar öz sorğularını Fransa hökumətinə göndərə bilərlər", - politoloq deyib.