G7 ölkələri Rusiyaya qarşı sanksiyaları genişləndirməyi planlaşdırır.

Axar.az xəbər verir ki, bu barədə “Kyodo” agentliyi G7-yə sədrlik edən Yaponiya hökuməti rəsmisinə istinadən məlumat yayıb.

Məlumata görə, sözügedən qərar may ayında G7 liderlərinin Xirosimada keçiriləcək sammitində verilə bilər.

Rəsminin sözlərinə görə, yeni məhdudiyyətlərlə bağlı təkliflər hazırlanır. Xüsusilə, işlənmiş avtomobillər, təkərlər, kosmetik məhsullar və geyimlərə ticarət embarqosu genişləndirilə bilər.

Qeyd edək ki, mayın 19-21-də keçiriləcək sammitdə Böyük Britaniya, Kanada, Fransa, Almaniya, İtaliya, Yaponiya, ABŞ, həmçinin Avropa Birliyi liderlərinin iştirakı gözlənilir.