"İsgəndər-M" raketlərinin Cənubi Osetiyada yerləşdirilməsi regional miqyasda təhlükədir.

Axar.az xəbər verir ki, bunu jurnalistlərə açıqlamasında Gürcüstanın Müdafiə naziri Tinatin Xidaşeli söyləyib. Onun sözlərinə görə, bu məsələ Gürcüstan üçün çox vacibdir:

"Bu, regional miqyaslı mövzudur, ona görə də düşünmürəm ki, mənim bunu individual şəkildə şərh etməyimə ehtiyac yoxdur. Bu məsələ təkcə Gürcüstan üçün yox, həm bütün region üçün vacibdir".

Qeyd edək ki, bir müddət öncə "Amerikanın səsi" radiosunun Gürcüstan bölməsi Rusiyanın Cənubi Osetiyanın Djave rayonunda "İsgəndər M" raketləri yerləşdirdiyi haqqında informasiya yayıb.