Çinin tarixində ilk dəfə terrorla mübarizə haqqında qanun qəbul etməsi ekspertlər tərəfindən müxtəlif cür təhlil olunur.

Axar.az xəbər verir ki, rusiyalı jurnalist Anton Mardasov Çinin Yaxın Şərqə ordu göndərməsi ilə bağlı fikirləri dəyərləndirib.

Rusiyalı ekspertin sözlərinə görə, rəsmi Pekinin bu addımı atacağı o qədər də inandırıcı deyil:

"Qanun qəbul edildikdən sonra Çinin Əl Qaidə ilə əlaqəli Şərqi Türküstan İslam Hərəkatı kimi radikal təşkilatla döyüşmək üçün Yaxın Şərqə qoşun göndərəcəyi deyilir. Çünki bu təşkilatın üzvlərinin Yaxın Şərqdə döyüşdüyünü, bəzilərinin isə Çinə qayıdaraq ölkədə xaos yaratmağa hazırlaşdığı iddia edilir. Çinin İŞİD-ə qarşı Qərb koalisiyasına qatılacağı inandırıcı deyil. Rusiya Suriyada əməliyyatlara başladıqdan az sonra Çinin bölgəyə donanma göndərməsi ilə bağlı xəbərlər yayıldı. Ancaq çox keçmədi ki, bu məlumatlar təsdiqini tapmadı. Pekin hər ölkə ilə bərabər məsafəli münasibət qurmağı üstün tutur. Suriya mövzusunda da biz bunu görürük".