Rusiya qüvvələri raketlərə qənaət edir. Çünki konveyerlərlə işləyirlər. Bunların isə Rusiyada istehsal gücləri o qədər də böyük deyil və hətta azaldılır.

Axar.az xəbər verir ki, bu sözləri Ukrayna Hərbi Dəniz Qüvvələrinin spikeri Dmitri Pletençuk Rusiya ordusunun qeyri-müntəzəm raket zərbələri ilə bağlı açıqlamasında deyib.

“Rusların Qara dənizdə bir neçə növ sualtı qayıqları var. Biz onların fəaliyyətini izləyirik. Onların bəziləri daşıyıcıdır. Raketləri suyun səthindən atırlar, yəni bunun üçün suyun üzünə qalxmaq lazımdır. Buna görə də deyə bilmərik ki, sualtı qayıqlardan istifadə vəziyyətə müəyyən dərəcədə kritik təsir göstərir”, - Pletençuk bildirib.