Qətər Rusiyanın Suriya böhranının həllində əsas rola malik olduğunu anlayır. Bu səbəbdən siyasi həll yolu üçün Rusiya ilə əlaqələri qoruyub saxlamağa çalışır.

Axar.az xəbər verir ki, bu sözləri ərəb dünyanısın tanınmış tarixçisi və politoloqu Bəşir Nafi Qətər əmiri Hamid ibn Xəlifə əl Saninin Rusiya səfərini şərh edərkən deyib.

O bildirib ki, hazırda Suriya məsələsi ilə bağlı dövlətlər arasında böyük problemlər yaşanır:

"Rusiya Suriyada rejimə dəstək olaraq bir sıra uğurlar qazanıb. Lakin Rusiya anladı ki, hərbi müdaxilə böhranı həll etməyəcək. Çünki müxaliflər bir çox bölgəyə nəzarət edir və durum çox qarışıqdır. Rusiya münaqişə tərəfləri arasında əlaqə yaradılmasının vacibliyini anlayır. Digər tərəfdən, Suriya böhranının həllində Əsəd rejimi artıq həlledici rol oynamır. Burada əsas tərəflər bir yanda Rusiya və İran, digər yanda isə Türkiyə, Səudiyyə Ərəbistanı və Qətərdir. Artıq Suriya böhranı hər kəs üçün ciddi təhlükəyə çevrilib".

Bəşir Nafi onu qeyd edib ki, Qətər əmirinin bu səfəri Rusiya-Türkiyə əlaqələrinə də təsir edəcək. O, yaxın zamanlarda Rusiya-Türkiyə münasibətlərinin normallaşacağını deyib.