Ölkəmizə girən əcnəbi əsgərlər tabutlar içində geri göndəriləcək.

Axar.az xəbər verir ki, bu sözləri Suriya Xarici İşlər naziri Vəlid Muallim deyib.

Səudiyyə Ərəbistanının Suriyaya quru qoşunları göndərmək istəyinə münasibət bildirən nazir qeyd edib ki, rəsmi Dəməşqin icazəsi olmadan heç bir qüvvə ölkəyə daxil ola bilməz:

"Suriya hökumətinin qərarı olmadan ölkəmizdə həyata keçirilən əməliyyatlar bizə qarşı hücum olaraq dəyərləndiriləcək. Ölkəmizə girməyə çalışanlar tabutların içində geri göndəriləcək".

Muallim bildirib ki, Suriya ordusunun ölkə daxilində irəliləməsindən sonra müxaliflərdən ibarət nümayəndə heyəti Cenevrə görüşlərini tərk edib.

O, Suriyanın Türkiyə və İordaniya ilə sərhədində nəzarəti gücləndirmədən ölkədə sabitlik yaratmağın mümkün olmayacağını vurğulayıb.