Rusiya Prezidenti Vladimir Putin Avropa Birliyi üçün İŞİD-dən daha təhlükəlidir.

Axar.az xəbər verir ki, bu sözləri amerikalı milyarder Corc Soros "Qardian"a açıqlamasında deyib.

"ABŞ və Avropa liderləri İŞİD-ə qarşı mübarizədə Rusiya Prezidenti Vladimir Putini başlıca müttəfiq kimi görməklə böyük səhv edirlər. Putinin məqsədi Avropa Birliyini dağıtmaqdır. Bunun üçün o, miqrant böhranını daha da alovlandırır. Putin bacarıqlı taktikaçıdır, lakin strateji düşüncəyə malik deyil. Onun Suriyaya müdaxiləsi bir xəta idi. Bu müdaxilə onu Türkiyə Prezidenti Rəcəb Tayyib Ərdoğanla toqquşmasına səbəb oldu. Nəticədə bu, hər iki tərəfin mənafeyinə zərər verdi. Putin sonradan Avropa Birliyinin dağılmasını sürətləndirmək üçün şans əldə etdi və fürsəti əldən vermədi. Putin İŞİD-ə qarşı mübarizə adı ilə öz gizli planlarını həyata keçirdi", - Soros vurğulayıb.

Soros onu da bildirib ki, Rusiya iqtisadiyyatı 2017-ci ildə iflasa uğrayacaq.