ABŞ-ın İtaliyadakı səfiri Con Filips Xarici İşlər Nazirliyinə çağırılıb.

Axar.az xəbər verir ki, bu barədə informasiyanı Almaniya mətbuatı yayıb. Mətbuat Filipsin İtaliyanın keçmiş Baş naziri Silvio Berluskoni və onun köməkçisinin ABŞ-ın xüsusi xidmət orqanları tərəfindən dinlənilməsi məsələsinə görə çağırıldığını bildirib.

Qeyd edək ki, dünən "Vikiliks" saytı ABŞ Milli Təhlükəsizlik Agentliyinin bir sıra ölkə liderlərini gizli dinlədiyi haqqında məlumat yayıb. Agentlik dinlənilən liderlər sırasında BMT Baş katibi Pan Gi Mun, Almaniya kansleri Angela Merkel, İsrail Baş naziri Benyamin Netanyahu, İtaliyanın keçmiş Baş naziri Silvio Berluskoni və digərlərinin adları yer alıb.