Polis "Rosbalt" agentliyinə bombanın olması ilə bağlı xəbərdarlıq edən telefon terrorçularını tapandan sonra agentlik cinayətkarların vurduğu zərərə görə mülki iddia qaldıracaq.

Axar.az xəbər verir ki, bu barədə bəyanatı agentliyin vəkili Dmitri Firsov yayıb. Onun sözlərinə görə, hüquq mühafizə orqanları bununla bağlı sərt addımlar atmalıdırlar. O cinayətkarların üç il həbs cəzası gözlədiyini bildirib.

Qeyd edək ki, bundan öncə naməlum şəxslər "Rosbalt" agentliyinə zəng edərək, redaksiyada bomba olması ilə bağlı məlumat veriblər. Bu, zəng iki dəfə təkrar olunub. Bundan sonra bina boşaldılsa da, informasiyanın yalan olduğu üzə çıxıb.

"Rosbalt" agentliyi 1997-ci ildə yaradılıb. Agentliyin yaradıcılarından biri Azərbaycan Dövlət Təhlükəsizlik Komitəsinin keçmiş rəhbəri Vaqif Hüseynov olub. Azərbaycan müstəqil olduqdan sonra Moskvaya gedərək, burada Rusiya vətəndaşlığı əldə edən Hüseynov 1997-1999-cu illərdə bu agentliyin direktorlar şurasının sədri vəzifəsində çalışıb. Hüseynov bu agentlikdən həmçinin "Milyarderlər İttifaqın"ın təbliğatında da istifadə edib.