Rusiyanın Suriyadakı hərbi əməliyyatları Ukraynadan diqqətin yayındırılmasına yönəldilib.

Axar.az xəbər verir ki, bunu ABŞ mətbuatına açıqlamasında Pentaqonun Kəşfiyyat İdarəsinin rəhbəri Vinsent Stüart söyləyib. Onun sözlərinə görə, Moskvanın böyük planı var və bu plan sayəsində beynəlxalq ictimaiyyətdən böyük güzəştlər əldə etməyə çalışır:

"Rusiya qəfil hərbi təlimlərdən istifadə edərək Avropanı qorxutmaq istəyir. Bir müddət öncəki təlimlər təhlükəli və real idi. Mən son 20 il ərzində bu cür ağır təlimlər görməmişəm. Gələcəkdə Rusiya ordusu say tərkibinə görə daha az, amma Rusiyanın periferiyasında fəaliyyət göstərmək üçün daha hazırlıqlı olacaq".

Qeyd edək ki, Rusiya bir müddət öncə Cənub Hərbi Dairəsi ilə Xəzər donanmasının Rostov vilayəti, Şimali Qafqaz, Ermənistan və Xəzər dənizində genişmiqyaslı təlimlərini keçirib.