Türkiyənin "Zaman" qəzeti Almaniyada da nəşr ediləcək.

Axar.az xəbər verir ki, bu haqda məlumat etibarlı mənbə Röyter-ə verib.

Sözügedən qəzetin Türkiyədəki "Zaman" qəzeti ilə birbaşa əlaqəsi olmayan müxalif yönlü mətbu orqanı kimi fəaliyyət göstərəcəyi bildirilib.

Xatırladaq ki, Türkiyənin İstanbul şəhər 6-cı Sülh Cəza Məhkəməsi İstanbul Cümhuriyyət Baş Prokurorluğunun tələbi əsasında "Zaman" qəzetinə qəyyum təyin olunması barədə qərar qəbul edib. Məhkəmənin təyin etdiyi qəyyumlar qəzetin idarəetməsini təhvil almaq üçün polislərin müşayiəti ilə "Zaman"ın redaksiyasına gediblər. "Zaman" qəzeti Türkiyədə Fətullah Gülən icmasına məxsus olan ən məşhur mətbuat orqanıdır. Bundan əvvəl Gülən camaatına məxsus "Bugün" və digər qəzetləri də aparılan istintaq çərçivəsində dövlət tərəfindən Gülən icmasının əlindən alınıb. Hələlik STV (Samanyolu) telekanalı nurçuların əlində qalmaqda davam edir.