"Forbes" jurnalı dünyanın ən çox milyarder yaşayan şəhərlərinin adını müəyyənləşdirib.

Axar.az xəbər verir ki, siyahıda ilk yeri Nyu York tutur. Burada 79 milyarder yaşayır və onların ümumi sərvəti 364,6 milyard dollardır.

Siyahıda növbəti pilləyə Honkonq layiq görülüb. Honkonqda yaşayan 68 milyarderin 261,3 milyard sərvəti var.

Moskva "Forbes"in iddiasına görə üçüncü yerdə qərarlaşıb. Şimal qonşumuzun paytaxtında 60 milyarder məskunlaşıb. Onlarınsa ümumi sərvəti 217,6 milyard dollardır. Moskvadan sonrakı yerləri isə Pekin və London tutur.

İstanbul isə bu siyahıda 11-ci yerdədir. Bu şəhərdə 26 milyarder var və onların ümumi sərvəti 39 milyard dollardır. Şəhərin ən varlı şəxsi isə məşhur "Ülkər" şirkətinin rəhbəri Murad Ülkər hesab edilir. Onun sərvəti 2,9 milyard dollardır.

Qeyd edək ki, "Forbes" siyahıya ümumilikdə 25 şəhərin adını salıb.