Böyük Britaniyanın Maliyyə naziri Corc Osborn Türkiyənin gələcəkdə Avropa Birliyinə (AB) daxil olmasına şübhə ilə yanaşdığını deyib.

Axar.az xəbər verir ki, nazirin sözlərinə görə, Böyük Britaniya iqtisadi cəhətdən zəif bir ölkənin AB-yə üzvlüyünə qarşıdır və ilk növbədəcə veto hüququndan istifadə edəcək.

"Bizim Türkiyənin AB-yə üzvlüyünə qarşı veto hüququmuz var. Biz Birliyə yeni üzvlərin daxil edilməməsi ilə bağlı şərt qoymuşuq", - Osborn bildirib.

Osborn, eyni zamanda, Türkiyəni AB-nin mühüm müttəfiqi kimi xarakterizə edib və bu ölkənin AB və Böyük Britaniya ilə münasibətlərinin vacib olduğunu deyib.