Ana səhifə Planet |
Niderlandın istefaya gedən baş naziri Mark Rutte NATO baş katibi vəzifəsinə təyin olunsa belə, orada qlobal dəyişikliklər olmayacaq. Çünki baş katibin funksiyası ABŞ-da işlənib hazırlanmış siyasəti səsləndirməkdir.
Axar.az xəbər verir ki, bunu Rusiya Xarici İşlər Nazirliyinin rəsmisi Mariya Zaxarova deyib.
“NATO baş katibinin fiquru siyasi təsir baxımından nominaldır. O, ənənəvi olaraq ABŞ-ın hərbi-siyasi rəhbərliyi tərəfindən güclü şəkildə əhatə olunub. O, xaricdə nə istehsal olunduğunu, nə göndərildiyini, ilk növbədə ABŞ-ın, yaxud da anqlo-saks dərin dövlətinin məhsulu olduğunu dilə gətirməlidir. Bu, onun funksiyasıdır - səsləndirmək, əlaqə saxlamaq. O, siyasət aparan, qərarlara təsir edən fiqur deyil”, - Zaxarova bildirib.
Qeyd edək ki, NATO Baş katibi Yens Stoltenberq alyansın yeni baş katibi postuna ən şanslı namizədin Mark Rutte olduğunu demişdi.
Tarix
2024.06.19 / 10:45
|
Müəllif
Axar.az
|