Suriya böhranını yaradan əsas səbəblərdən biri də 2003-cü ildəki İraq müharibəsi oldu.

Axar.az xəbər verir ki, bunu Rusiya mətbuatına açıqlamasında Suriya Prezidenti Bəşər Əsəd söyləyib. Onun sözlərinə görə, bu müharibə İraqı parçaladı:

"O zaman İraqa ABŞ müdaxilə etdi. Biz bu aqressiyaya qarşı idik. Başa düşürdük ki, bu, cəmiyyətin parçalanmasına səbəb olacaq. Biz isə İraqın qonşusu idik. Bilirdik ki, bu müharibə nəticəsində İraq konfensional çərçivədə bölünəcək. Qərbdə isə biz bu şəkildə bölünmüş daha bir qonşuya sahibik. Bu Livandır. Biz onların arasında yerləşirik və anlayırıq ki, bütün bunlar bizə də təsir edir. Ona görə də bu böhranın kökləri məhz həmin müharibədə yatır".