Rusiyanın “Okean-2024” strateji komanda-qərargah təlimi ABŞ və digər NATO ölkələri üçün təhlükə yaratmır.

Axar.az xəbər verir ki, bu barədə Pentaqonun mətbuat katibi Patrik Rayder brifinqdə deyib.

"Onlar ABŞ ərazisi və ya NATO üçün təhlükə yaratmır", - Rayder bildirib.

Onun sözlərinə görə, ABŞ Rusiyanın digər xarici müşahidəçilərin cəlb olunması ilə bağlı bəyanatlarına baxmayaraq, təlimlərdə yalnız Rusiya Federasiyası və Çin gəmilərinin iştirak edəcəyinə inanır.

Rayder əlavə edib ki, ABŞ və müttəfiqləri istənilən halda bu manevrləri diqqətlə izləyəcəklər.

Qeyd edək ki, Rusiya Hərbi Dəniz Qüvvələrinin baş komandanı, admiral Aleksandr Moiseyev bildirmişdi ki, “Okean-2024” strateji komanda-qərargah təlimlərinə müşahidəçi qismində 90 mindən çox hərbi qulluqçu və 400-dən çox gəmi və xarici dövlətlərdən 32 nümayəndə dəvət olunub.