Kursk vilayətinin Lqov şəhərində səkkiz mənzilli iki mərtəbəli yaşayış binasına Ukrayna Silahlı Qüvvələrinin atəşi nəticəsində ciddi ziyan dəyib.

Axar.az xəbər verir ki, bunu Kursk vilayətinin qubernatoru vəzifəsinin müvəqqəti icraçısı Aleksandr Xinşteyn Lqova endirilən zərbələrin nəticələri barədə məlumat verərkən deyib.

O bildirib ki, zərbələr nəticəsində iki binada yanğın olub, bir sıra mənzillərə ciddi ziyan dəyib:

“Hər iki yanğın Fövqəladə Hallar Nazirliyinin qüvvələri tərəfindən qısa zamanda söndürülüb”.

Bundan əlavə, o, şəhərdə iki elektrik xəttinin zədələndiyini, buna görə elektrik kəsintisinin olduğunu bildirib.

Qeyd edək ki, ötən gün Ukrayna Silahlı Qüvvələri Kursk vilayətində Lqov şəhərinə hücum edib.