Azərbaycanın xalq artisti, keçmiş deputat, məşhur müğənni Zeynəb Xanlarova 88 yaşını tamamlayıb.

Kult.az Yenisabah.az-a istinadən xəbər verir ki, ötən gün sənətkarın ad günü olub. Onun budəfəki ad gününün səssiz-sədasız qalması məlum təyyarə qəzasında baş vermiş çoxsaylı insan tələfatı ilə bağlıdır. O, yeni yaşını təmtəraqsız qarşılayıb.

Sənətçinin dekabrın 31-də Dünya Azərbaycanlılarının Həmrəyliyi Günü və Yeni il bayramı ilə bağlı Dövlət Televiziyasında (AzTV) yayımlanacaq konsert proqramında çıxış edəcəyi gözlənilir.

Onun son görüntülərini stilisti Rəşad Əliyev paylaşıb.

Video AzTV-nin hər il lentə alınan ənənəvi Yeni il şənliyinin çəkilişi zamanı lentə alınıb.