Sionist rejim yalan və faktların təhrifi əsasında formalaşıb və yalan yaymaq bu rejimin və onun cinayətkar liderlərinin indiki və daimi xarakteridir.

Axar.az xəbər verir ki, bunu İran Xarici İşlər Nazirliyinin mətbuat katibi İsmayıl Bəqai İsrail Baş naziri Benyamin Netanyahunun iqamətgahına PUA hücumunun Tehranla bağlı olmasını inkar edərkən deyib.

Qeyd edək ki, dünən İsrail Baş naziri Benyamin Netanyahunun Qeysəriyyədəki evinə PUA hücumu baş verib. Məlumata görə, hücum anında baş nazir və həyat yoldaşı evdə olmayıb.

İsrail Müdafiə Ordusu Livandan İsrail ərazisinə üç PUA göndərildiyini, onlardan ikisinin vurulduğunu, birinin isə Qeysəriyyə bölgəsindəki bir binaya çırpıldığını təsdiqləyib.