2024.11.02 - 16:06

İsrail ordusunun Livanın Tir bölgəsinə endirdiyi zərbələr nəticəsində Hizbullahın iki komandiri zərərsizləşdirilib.

Axar.az xəbər verir ki, bu barədə İsrail Müdafiə Ordusu (ÇAXAL) məlumat yayıb.

Qeyd olunub ki, Hizbullah qüvvələrinin sahil sektoru komandiri Musa İzzəddin və sahil sektorundakı artilleriya komandiri Həsən Məcid Daib zərərsizləşdirilib.

"Onlar oktyabr ayında İsrailə doğru 400-dən çox mərmi atılmasına cavabdeh olublar", - məlumatda bildirilib.

***

İsrail Müdafiə Qüvvələri Hizbullah hərəkatının Nasser raket bölməsinin komandirini də məhv edib.

Bu barədə ordunun mətbuat məlumat yayıb.

“İsrail Hərbi Hava Qüvvələrinin qırıcısı Livanın cənubundakı Cuaya bölgəsinə dəqiq zərbə endirib. Hücum nəticəsində Hizbullahın Nasser raket bölməsinin komandiri Cəfər Xader Faur məhv edilib”, - məlumatda qeyd edilib.