Ermənistanın infrastruktur naziri və Dövlət Gəlirləri Komitəsinin rəhbəri Baş nazir Nikol Paşinyanla sərt söhbətdən sonra istefa ərizəsi yazıblar.

Axar.az xəbər verir ki, bu barədə “Şamşyan.com” saytı məlumat yayıb.

Qeyd olunur ki, Qnel Sanosyan və Rüstəm Badasyan Nikol Paşinyanla təcili iclasa çağırılıb.

Öz növbəsində “24nyus” xəbər verir ki, Daxili İşlər Nazirliyinin rəhbəri Vahe Kazaryan da istefa verib. Ardınca İstintaq Komitəsinin rəhbəri Argişti Kərəmyan həmkarlarından nümunə götürüb.

Səs-küylü istefaların rəsmi təsdiqi hələlik yoxdur. Baş nazirin tezliklə qərar verəcəyi gözlənilir.

Bütün bunların Paşinyanın Nazirlər Kabinetinin iclasında təhlükəsizlik qüvvələrinə verdiyi son töhmətdən sonra baş verməsi diqqət çəkib.