Ukrayna ərazisindən Rusiyanın dərinliklərinə uzaqmənzilli raketlərlə zərbələr endirmək qərarını anlayırıq, lakin Roma fərqli seçim etdi.

Axar.az xəbər verir ki, bunu İtaliya Baş naziri Corciya Meloni deyib.

“ABŞ Prezidenti Co Baydenin müvafiq qərarı G20 sammiti ərəfəsində Rusiya hücumlarına cavab idi. Amma biz fərqli seçim etdik. Bu, bütün siyasi qüvvələrin razılaşdığı nadir haldır. Biz həmişə hava hücumundan müdafiə sistemlərinin təmin edilməsinə diqqət yetirmişik”, - Meloni bildirib.

Qeyd edək ki, ABŞ-dan sonra Fransa və Britaniyanın da Ukraynaya Rusiyanın dərinliklərinə uzaqmənzilli raketlərlə zərbə endirilməsinə icazə verdikləri bildirilsə də, İtaliya bu təşəbbüsə qoşulmadığını açıqlayıb.