ABŞ Prezidenti Cozef Bayden administrasiyasının Ukraynaya silah tədarükünü artırmaq imkanı məhduddur.

Axar.az xəbər verir ki, bu barədə “Blumberq” məlumat yayıb.

“Baydenin Ukraynaya silah tədarükünü artırmaq imkanında məhdudiyyətlər var, çünki vəsaitin çox hissəsi yalnız Pentaqonun anbarında olan silahlar üçün istifadə edilə bilər. Üstəlik, ABŞ Kiyevə böyük miqdarda silah və sursat göndərə bilməz, çünki bu öz ordusunun müdafiə qabiliyyətini azaldacaq.

Bayden və onun administrasiyası ABŞ-ın yeni seçilmiş Prezidenti Donald Trampın andiçmə mərasiminə qalan iki aydan az müddətdə Kiyevə maksimum dəstək verməyə və Moskvaya təzyiq göstərməyə çalışır”, - məlumatda qeyd olunub.