05.12.24. 23:17

ABŞ-ın Kaliforniya ştatında 7 bal gücündə zəlzələ qeydə alınıb.

Axar.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Bildirilib ki, yeraltı təkanların episentri 12 min nəfərin yaşadığı Fortuna şəhərindən 56 km cənub-qərbdə, ocağı isə 14 km dərinlikdə yerləşib.

Tələfat və dağıntılar barədə məlumat yoxdur.

***

Kaliforniya sahillərində baş verən 7 bal gücündə zəlzələdən sonra ABŞ-də sunami xəbərdarlığı elan edilib.

Bu barədə Milli Okean və Atmosfer Tədqiqatı İdarəsi məlumat yayıb.

Xəbərdarlıq Kaliforniya və Oreqon ştatlarının sahil zolağının bəzi hissələri üçün qüvvədədir.