Almaniya kansleri Olaf Şolts ilin “antikişi”si seçilib.

Axar.az xəbər verir ki, bu barədə “Playboy” nəşrinin Almaniya redaksiyasının alman qadınlar arasında keçirdiyi ənənəvi sorğuda bildirilib.

Məlumata görə, alman qadınların seçiminə görə, Almaniya yığmasının və “Real Madrid” klubunun keçmiş oyunçususu Toni Kross "ilin kişisi" elan olunub.

Sorğuda iştirak edən qadınların 17 faizi Krossa səs verib.

İkinci yerdə ABŞ-ın “Bruklin Nets” klubunun alman basketbolçusu Dennis Şröder, üçüncü yerdə isə futbol üzrə Almaniya yığmasının baş məşqçisi Yulian Nagelsman qərarlaşıb.

İlk onluğa Almaniyadan heç bir siyasətçi düşməyib.

Əvəzində isə ilin antikişisi nominasiyasına Şoltsdan sonra Almaniya iqtisadiyyat naziri Robert Habek layiq görülüb.