Suriya Prezidenti Bəşər Əsədin devrilməsi barədə xəbərlərin yayılmasından sonra İran televizyası və rəsmi dövlət mediasının Əsədin müxalifləri barədəki ifadələri dəyişib.

Axar.az xəbər verir ki, rəsmi media müxalifləri "silahlı qruplaşma"lar və "milişiya" adlandırmağa başlayıb.

Bundan əvvəl isə İran televizyası və rəsmi media orqanları Bəşər Əsədin müxaliflərini "terrorçu qruplar" və "təkfirçi" adlandırırdı.

Bununla eyni vaxtda bir neçə millət vəkili İran parlamentinin Suriya ilə bağlı qapalı iclasının keçirilməsinə çağırıb.

Qeyd edək ki, bu gün Suriya silahlı müxalifəti paytaxt Dəməşqi ələ keçirib və Əsəd rejiminin bitdiyini elan edib.