Almaniya kansleri Olaf Şoltsla Fransa Prezidenti Emmanuel Makron arasında Suriya mövzusunda telefon danışığı baş tutub.

Axar.az xəbər verir ki, bu barədə Almaniya hökumətinin nümayəndəsi Şteffen Hebestreit məlumat yayıb.

Bildirilib ki, hər iki lider etnik-dini azlıqların hüquqlarının, Suriyanın ərazi bütövlüyü və suverenliyinin qorunmasının vacibliyini vurğulayıblar.

Şolts və Makron AB-nin Suriyanın daxili proseslərdəki rolunun gücləndirilməsi, o cümlədən əhatəli siyasi prosesin dəstəklənməsi üçün birgə səylər barədə razılığa gəliblər.

Rəsmi mesajda deyilir ki, növbəti addımlar Yaxın Şərq tərəfdaşları ilə razılaşdırılacaq.

Erməni mediasının iddiasına görə, Makron “etnik-dini azlıq” deyəndə, həm də Suriyada yaşayan erməniləri nəzərdə tutub.

Qeyd edək ki, Suriyada açar rolunu Türkiyənin oynamasının və proseslərdən Fransanın tam kənarda qalmasının Makronu “dərindən” narahat etdiyi düşünülür.