Avropa Birliyi ilə ABŞ arasında imzalanması nəzərdə tutulan Transatlantik ticarət və investisiya əməkdaşlığı müqaviləsinin sənədləri mətbuata sızıb.

Axar.az xəbər verir ki, 240 səhifəlik müqaviləni Almaniya mətbuatı yayıb. Mətbuat bu sənədlər vasitəsilə Vaşinqtonun Brüsselə təzyiq etdiyini bildirib:

"Vaşinqton, bu sənədlərdən göründüyü kimi, AB-ni təhdid edir. Sənəddə deyilir ki, əgər ABŞ məhsullarının gəlişinə qadağa qoyulsa, AB avtomobillərinin ABŞ-a idxalı azalacaq. ABŞ həmçinin AB-dən məhsulların satışının onun insan sağlığına ziyan vurmadığı sübut olunandan sonra satılması haqqında qanunun ləğv edilməsini istəyir".